મધ્ય પ્રદેશના ગુનામાં ટ્રિપલ મર્ડર મિસ્ટ્રીમાં આરોપી મહિલાની વધુ એક કહાણી સામે આવી છે. મહિલાએ પોતાના દીકરાના દોસ્તને પ્રેમજાળમાં ફસાવી અને તેના દોઢ વર્ષ સુધી ઉપયોગ કર્યો. ષડયંત્રથી અજાણ દીકરાનો દોસ્ત પ્રેમમાં એ હદે અંધ થઈ ગયો કે તેણે મહિલાને પૈસા આપવા માટે પોતાની માતાનું મંગળસૂત્ર પણ વેચી દીધું. બાદમાં પોતાના દીકરાની સામે આ રહસ્ય ખૂલ્યું તો એક પછી એક ત્રણ મર્ડર થયા જેમાં બધાની બળેલી લાશો જંગલમાંથી મળી.
શું છે સમગ્ર મામલો?
- પોલીસે સોનીને ત્યાંથી મંગળસૂત્ર બુધવારે જપ્ત કરી લીધું.
- લોહીથી ખરડાયેલા કપડા પણ પોલીસે કચરાપેટીની તલાશી બાદ જપ્ત કરી લીધા.
- કોર્ટમાં આ મામલો મજબૂતીથી રજૂ થાય તે માટે પોલીસ પુરાવા એકત્ર કરવામાં લાગી છે. તેમાં કોઈ કચાશ છોડવા નથી માંગતી જેના કારણે આરોપીઓને બચવાની તક મળે.
- આ મામલની તપાસ એસપી અને એએસપીની સીધી દેખરેખ હેઠળ થઈ રહી છે. તેઓએ તપાસ અધિકારીને કહ્યું છે કે દબાણમાં આવ્યા વગર સમગ્ર કાર્યવાહી કરવામાં આવે.
કાવતરાથી મોત સુધીની સફર કરનારા સગીરોની જાણકારી..
હેમંત માના
અંતર સિંહ મીનાનો એક માત્ર પુત્ર. જેની હત્યાની ઘટના છૂપાવવા માટે બે અન્યની હત્યા કરવામાં આવી. હેમંતને બે ભાઈ-બહેનના સાપ કરડવાથી પહેલા જ મોત થઈ ચૂક્યા છે. તેના કારણે માતા-પિતા તેની દરેક ઈચ્છા પૂરી કરતા હતા. ધોરણ-10માં હેમંત નાપાસ થયો હતો. ભણતર છોડી દીધું હતું.
લોકેશ લોધા
પિતા તોરણ સિંહ, કેન્સથી પીડિત છે. હેમંતનો દોસ્ત હતો. જેને પણ આરોપીઓએ મારી નાખ્યો. ધોરણ-9 બાદ ભણતર છોડી દીધું. વેટરનું કામ કરતો હતો. મા અને બહેન અને પિતાની જવાબદારી તેના ખભે જ હતી. અપરાધિક તત્વો સાથે સંબંધો હતા.
ઋત્વિક નામદેવ
પિતા શિવરાજ સિંહ ઇલેક્ટ્રિકનું કામ કરે છે. મા ઈન્દોરમાં રહેતી હતી. પાંચ ભાઈ-બહેન છે. માનો પિતા સાથે અણબનાવ હતો. તેના કારણે ઋત્વિક અને બે ભાઈ-બહેન ગુનામાં રહેતા હતા. તે પણ હેમંતનો મિત્ર હતો. તેની પણ હત્યા કરવામાં આવી.
માના ઘરેણા મંગાવીને વેચ્યા
- મહિલાએ હેમંત પાસેથી તેની માતાના ઘરેણા મંગાવ્યા હતા. તેને એક સોનીને ત્યાં વેચી દીધા હતા. સોનીનું કહેવું છે કે પૂનમ દુબેએ પોતે ઘરેણા બતાવીને વેચ્યા હતા. પોલીસ સોનીને સાક્ષી બનાવી રહી છે.
હેમંતની કાનની બુટ્ટી, લોકેટ, પર્સ છૂપાવવામાં આવ્યા
- પોલીસનું કહેવું છે કે જે બે સગીરોએ પોતાના ત્રણ મિત્રોની હત્યા કરી છે તે હત્યા બાદ આરોપી જંગલમાં જ પોતાના કપડા બદલી લેતા હતા.
- લોહીથી ખરડાયેલા કપડા તેઓએ કેટલાક જંગલમાં ફેંક્યા અને કેટલાક ચોપડાવાળા બાબા રોડ પર રાખેલી કચરાપેટીમાં છૂપાવી દીધા હતા. તેને હવે પોલીસે જપ્ત કરી લીધા છે.
- હેમંતની હત્યા બાદ તેના કાનની બુટ્ટી, લોકેટ, પર્સ છૂપાવી દીધા હતા.
હત્યા કરનારા બે સગીર જેમાં એક અભ્યાસમાં ખૂબ જ તેજસ્વી
હર્ષ (બદલેલું નામ)
આ હત્યાકાંડમાં મુખ્ય ભૂમિકા નિભાવનાર અને બાળકોના અપરાધને છૂપાવવાનો આરોપ. ધોરણ-9 સુધી અભ્યાસ કર્યો. અભ્યાસમાં મન ન લાગ્યું પરંતુ ઘરમાં સારા સંસ્કાર ન મળ્યા તો ત્રણ હત્યાઓ કર્યા બાદ પણ કોઈ શરમ નથી.
રોહિત (બદલેલું નામ)
માતા-પિતા શિક્ષક છે. સારા સંસ્કાર મળ્યા, પરંતુ ખોટી સંગતમાં બધું બરબાદ કરી બેઠો. હાઈસ્કૂલમાં સ્કૂલ ટોપર રહ્યો. 90% માર્ક્સ મેળવ્યા. ખોટી સંગતમાં આવવાથી ધોરણ-12માં રિઝલ્ટ બગડ્યું અને 60% આવ્યા.
દીકરાની ધરપકડ થઈ તો પોલીસ પર લાવ્યા દબાણ
- હેમંત, ઋત્વિક અને લોકેશ હત્યાકાંડ મામલામાં દરરોજ એક નવો મામલો સામે આવી રહ્યો છે.
- આરોપી મહિલા પૂનમ દૂબે ઉર્ફે પક્કાએ ટીઆઈ આશીષ સપ્રે સુધીના લોકોને ફસાવવાની યોજના બનાવી લીધી હતી પરંતુ તે તેના પહેલા જ પકડાઈ ગઈ.
- તેને સલાહ અને મદદ કરવામાં અનેક હાઈપ્રોફાઇલ લોકોના નામ સામે આવવાની આશંકા છે. તેના માટે પૂનમના મોબાઇલના 1 એપ્રિલથી 28 મે સુધીના કોલ રેકોર્ડ કાઢવામાં આવી રહ્યા છે. તે સમયમાં તેણે કયા લોકોની સાથે વાત કરી અને તેના સંપર્કમાં કોણ રહ્યું?
- આ વિગતો આવ્યા બાદ પોલીસ નવેસરથી તપાસ કરશે.
- જોકે, અત્યારે એટલું ચોક્કસ ખબર પડી છે કે પૂનમના દીકરાને જ્યારે પોલીસે ઉઠાવ્યો તો મહિલાએ પોતાના નિકટના લોકોનો સંપર્ક કર્યો અને પોલીસ પર દબાણ લાવવાનો પ્રયાસ કર્યો. પરંતુ ઋત્વિકનું શબ મળ્યા બાદ તેની મનમાની ન ચાલી અને પોલીસે તેને સકંજામાં લઈને તમામ કરતૂત જાહેર કરી દીધી.
ઘટનાક્રમ ઉપર એક નજર
- હેમંતની હત્યા- 18 મેના રોજ ગળું કાપીને હત્યા, શબ 28 મેના રોજ મળ્યું
- ઋત્વિકની હત્યા- ગળા અને છાતી પર ચાકૂના હુમલાથી હત્યા, 27 મેના રોજ મળી લાશ
- લોકેશની હત્યા- છાતી પર ચાકૂ માર્યું, 29 મેના રોજ મળ્યું શબ
- 28 મેના રોજ પોલીસે ચોથા મિત્રની ધરપકડ કરી
- 29 મેના રોજ આરોપીની માતા અને અન્ય એક મિત્રની ધરપકડ કરતા રહસ્ય ખૂલ્યું
